صـباح الـحـب
شـعـر / د . خضر كامل اللحياني
صباح الخير يرددها ... منهو بوجهك أستبشر
|
وغنـى لحـن فيـروزي عـلـى صـوتـه يغنيهـا
|
يجـيب أسمـك إذا غنـى .. وأحلـى أيـام يتـذكـر
|
جميل أيامه الحلوه .. معك هو كيف يقضيها
|
صباح اللي على فرقاك ...عجز فالبعـد يتصبّر
|
وجاك يسابق الخطوة .. وبسمة حب يبديها
|
صـباح اللـي بطـيـب .. العـود يتعـطر ويـتـبخـر
|
صبـاح المسك والكادي .. وباقة ورد يهديها
|
صباح من خاطرٍ(ن) صافي أبد ماعمره أتكدر
|
صباحٍ(ن) يدمـح الزله .. ويخفيهـا ويمحيها
|
صباح مسامح وسامح وأنا اللي لذنبك أستغفـر
|
ومهما جـات غلطاتـك .. معك دائـم أعدّيهـا
|
صبـاح اللي يشـيل .. الـود ولا للعشـرة يتنـكـر
|
لأجل قلبه بصافي الحب .. يغرسها ويسقيها
|
صباح الحب وبأسم الحب .. أحبك أكثر وأكثر
|
وأنـا اللـي دوم ياعمـري .. مطاليـبـك ألبيهـا
|
صباح الصـاحب الوافي .. رغـم مـاجـاه يتعـذر
|
ويثـبت قلبه الطـاهـر .. محـبة روح يغلـيهـا
|
صباح السعد لوجه السعد ..يحلي طعمه السكر
|
صباحـه كـل هالدنـيا ... معـزه ماتسـاويهـا
|
حقوق النسخ © بواسطة . جميع الحقوق محفوظة. الموقع الرسمي للشاعر والإعلامي الدكتور خضر اللحياني جميع الحقوق محفوظة.
.jpg){kind=small}
.gif)
